മൂന്നാം ക്ലാസില്‍ പഠിയ്ക്കുന്ന ഉണ്ണ

മൂന്നാം ക്ലാസില്‍ പഠിയ്ക്കുന്ന ഉണ്ണിക്കുട്ടനെ കൊണ്ടു ടീച്ചര്‍ വലഞ്ഞു. എപ്പോഴും കിരുകിരുപ്പ്.സഹികെട്ട് ടീച്ചര്‍ ചോദിച്ചു:
“ഉണ്ണിക്കുട്ടാ എന്താ നിന്റെ പ്രശ്നം?”
“ടീച്ചര്‍.. എന്റെ ചേച്ചി അഞ്ചാം ക്ലാസിലാണു പഠിയ്ക്കുന്നത്. ഞാന്‍ അവളേക്കാള്‍ മിടുക്കനാ.. എന്നേം അഞ്ചാം ക്ലാസില്‍ ചേര്‍ക്കണം..”
ടീച്ചര്‍ അവനെയും കൂട്ടി ഹെഡ്മാസ്റ്ററുടെ അടുത്തു ചെന്നു. അദ്ദേഹത്തോടു കാര്യങ്ങളെല്ലാം വിശദീകരിച്ചു. എല്ലാം കേട്ടശേഷം അദ്ദേഹം ടീച്ചറോടു പറഞ്ഞു: “ഞാന്‍ ചില ചോദ്യങ്ങള്‍ ചോദിയ്ക്കാം. അതില്‍ തോറ്റാല്‍ മൂന്നിലേയ്ക്കു തന്നെ വിട്ടേക്കൂ..”
ഹെഡ്മാസ്റ്റര്‍ : “3 X3 എത്ര?”
ഉണ്ണിക്കുട്ടന്‍ : “9”
“6 X6 ? “
“36”
മൂന്നാംക്ലാസിലെ എല്ലാ ചോദ്യങ്ങള്‍ക്കും അവന്‍ ഉത്തരം പറഞ്ഞു. ഇനിയെന്തു വേണം എന്നു വിചാരിച്ച് അദ്ദേഹം ടീച്ചറെ നോക്കി. “ഇനി ഞാന്‍ ചോദിയ്ക്കാം..” ടീച്ചര്‍ പറഞ്ഞു
“പശുവിനു നാലുള്ളതും എനിയ്ക്കു രണ്ടുള്ളതും എന്താണ്?”
“കാലുകള്‍”
“നിന്റെ പാന്റിനകത്തുള്ളതും എനിയ്ക്കില്ലാത്തതും?”
“പോക്കറ്റ്”
“ആണുങ്ങള്‍ നിന്നു കൊണ്ടു ചെയ്യുന്നതും പെണ്ണുങ്ങള്‍ ഇരുന്നുകൊണ്ടു ചെയ്യുന്നതും ഒരു നായക്കു മൂന്നുകാലില്‍ മാത്രം ചെയ്യാന്‍ പറ്റുന്നതുമായ കാര്യം?”
“ഷേക്ക് ഹാന്‍ഡ്“
“എല്ലാ പുരുഷന്മാര്‍ക്കും ഉള്ളത്, ചിലര്‍ക്ക് നീളം കൂടിയത്, ചിലര്‍ക്ക് നീളം കുറഞ്ഞത്, വിവാഹത്തിനു ശേഷം ഭാര്യയ്ക്കു നല്‍കുന്നത്, മാര്‍പ്പാപ്പ ഉപയോഗിയ്ക്കാത്തത്.. എന്താണിത്?”
“സ്വന്തം പേര്”
ടീച്ചര്‍ മടുത്തു ഹെഡ്മാസ്റ്ററെ നോക്കി. അദ്ദേഹവും കണ്ണുതള്ളി ഇരിയ്ക്കുന്നു.
“ശരി അവസാനത്തെ ചോദ്യം.. എല്ലില്ലാത്ത, മസിലുകള്‍ ഉള്ള, പമ്പുചെയ്യുന്ന ഒരു അവയവം. പുരുഷശരീരത്തിന്റെ ഈ ഭാഗമാണ് സ്നേഹം വരുമ്പോള്‍ അവര്‍ ഉപയോഗിയ്ക്കുന്നത്. എന്താണിത്?”
ഉണ്ണിക്കുട്ടന്‍ ഒരു പുഞ്ചിരിയോടെ പറഞ്ഞു:
‘ഹൃദയം..”
“മതിടീച്ചര്‍.. ഇവനെ നേരെ കോളേജിലേയ്ക്കു വിട്ടേക്കു..” ഹെഡ് മാസ്റ്റര്‍ കസേരയിലേയ്ക്കു ചാഞ്ഞു